TWIGE IVYAHISHUWE 12: 1-6 (2)

UMWAMIKAZI WO MW’IJURU SI IZINA RYIZA NA GATO

Afficher l'image d'origine

Maz’abagabo bose bari bazi yukw’abagore babo bosereza imibavu izindi mana, bo n’abagore bose bahagararanye aho,ar’ishengero rinini, nibo bantu bose bagiye kuba mu gihugu ca Egiputa i Patirosi, bishura Yeremiya bati: Kubw’ijambo utubariye mw,izina ry’Uhoraho ntituzokwumvira. Ariko ntutuzobura gushitsa ijambo rivuye mu kanwa kacu, ngo twosereze imibavu umwamikazi wo mw’ijuru, tumusukire n’ibiturire, nkuko twahora dukora twe n’abami bacu, n’abaganwa bacu mu bisagara vy’i Buyuda, no mu nzira z’i Yerusalemu: kukw,ico gihe twagir,indya nyinshi tukiber,amahoro, nta vyago twabona. Ariko uhereye igihe twarekeye kwoserez’imibavu umwamikazi wo mw’ijuru, no kumusukira ibiturire, niho twaciye duhindana, tukamarwa n’inkota n’inzara. Kandi hamwe twoserez,imibavu umwamikazi wo mw’ijuru tukamusukir’ibiturire, ugirango twamucumbiy’imitsima y’ibiterekerwa tukamusukira n’ibiturire, abagabo bacu batabizi? (Yeremiya 44: 15-20)

Mwese muramaze kwumva ukuntu abantu benshi basaba Bikira Mariya, bakamutabaza nk’umwamikazi (umugabekazi) wo mw’ijuru. Yamara ijambo ry’Imana nta na hamwe ritubwira ko mw’ijuru hoba hari umwamikazi.

 Afficher l'image d'origine

Uwo ijambo ry’Imana ryita umwamikazi wo mw’ijuru, ni Satani yahora yihindura mu gihugu c’Isiraeli, nkuko tumaze kubisoma, akigira umugiraneza nkaho ariwe atanga imigisha n’amahoro. Haba mw’isezerano rya kera canke rishasha, hose havuga ko umwami wo mw’ijuru ari Imana imwe, Data, Mwana , Mutima Mweranda, nta mwamikazi wo mw’ijuru abaho. Uwo Mwami w’ubwiza ninde? Uhoraho Nyen’ingabo ni we Mwami w’ubwiza (Zaburi 24: 10) N’uko Pilato aramubaza ati: Ubwo wewe ur’umwami? Yes’ati Ni wewe uvyivugiye ko nd’umwami. Iki nico navukiye kandi nico canzanye mw’isi, n’ukugirago nshingire intahe ukuri (Yohani 18: 37). Kandi ku mpuzu ziwe no ku kibero, afise izina ryanditswe ko ng’UMWAMI W’ABAMI, UGANZA ABAGANZA (Ivyahishuwe 19: 16)

NONE UWU MWAMIKAZI W’IJURU WE YADUTSE ATE?

Bibliya iratwereka ko higeze kuba umwami akomeye wa mbere na mbere hano mw’isi inyuma y’umwuzure wo mu gihe ca Nowa. Uwo mwami yitwa Nimurodi. Kushi yavyaye Nimurodi ni we wambere yabaye cihabugabo mw’isi. Ubwami bwiwe bga mbere bgagarukira i Babeli no muri Ereki no muri Akadi n’i Kalune mu gihugu c’i Shinari (Itanguriro 10: 8, 10). I Babeli niho i Babuloni.  Uwu mwami Nimurodi ni we yiswe umwami ubwa mbere muri iyi si, ni nawe yatanguye gusengwa nk’Imana, ku buryo urupfu rwiwe rwatumye abantu biwe bakomeza kumwizera naho yari yarapfuye. Hadutse abapfumu baragurira abanyagihugu bati : imana zajanye umwami wacu Nimurodi mu zuba, kandi aratwumva. Umuhango wo kwambaza izuba nk’imana niho wakomotse. Izuba bariharira umusi waryo wo kurisenga, atar’uko ari ryo mana, mugabo ngo n’uko imana yabo yihishije muri ryo. Uwo musi wo guseng’izuba wari umusi wa mbere w’icumweru, ni wo abongereza bise Sunday. N’umuco ukomeye watanguye kera cane ngaho i Babeli. Ijambo Babeli ryo nyene rirabisobanura kuko rivuye muri bab-ilu=irembo ry’Imana. Aho ibigirwamana bibereye vyinshi i Babeli, niho hiswe bab-ilân=irembo ry’imana nyinshi. Aho ni mu ndimi za kera zo muri biriya bihugu.

Umwamikazi yasizwe na Nimurodi rero, nawe yarapfuye mu nyuma noneho ba bapfumu bahita bavuga ko imana zamujanje mu kwezi. Niho abapagani bakuye umusi bita lundi (luna die mu gitaliano, lunes mu kiespagnol canke Monday mu congereza: day of the moon=umusi w’ukwezi).

Murumvako ni yo bavuze ngo ijambo dimanche risobanurwa ngo n’umusi w’umwami (dies dominica), ntibaba bavuga umwami Yesu. N’imbere yuko Yesu avukira hano mw’isi, uwo musi w’umwami-zuba wari uzwi mu bapagani, ni nawo Nebukadineza n’abami bo mu bihugu vy’abapagani bubahiriza. Uwo mwami avugwa yari Nimurodi ariwe yahavuye yitwa Bayali, nkuko tuza kubivuga mu mirongo ikurikira. Umusi w’Umwami Imana wanditswe muri Bibliya n’umusi w’indwi, n’isabato. Yesaya ni we yabivuze neza ati: Ni wakura ikirenge cawe ngo ntukandagire isabato ukareka gukora ivyo wigombeye ku musi wanje wera,, ukawita uw’icubahiro, uka wubaha, ntukore ivyo ugomba ubwawe, ntiwironderere gukor’ivyawe,  ntiwirirwe mu bijandijandi vy’ubusa…(Yesaya 58: 13). Uguhimbaza umusi w’umwami Bayali aba mu zuba, n’umuhango abakiristu bahawe uvuye ku mwami w’umupagani w’umuroma, nawe yari yaramaze kunyurwa n’idini rya gipagani. Abepiskopi bari banyotewe ifaranga n’icubahiro bamugiye inyuma, itorero ry’Imana baba barishize mu nzira ija muri Babuloni. Abo twiganye Bibiliya kuva muri 2005 nagiye mbaha iri tegeko nkuko riboneka mu gitabo citwa Tragédie des Siècles canditswe n’umuvyeyi yitwa Ellen Gould White. Ryanditswe mu rurimi rw’igifransa muri aya majambo:

(a3) EDIT DE CONSTANTIN SUR LE DIMANCHE. – Voici la teneur de cette loi promulguée en date du 7 mars 321 : ” Que tous les juges, les citadins et les artisans se reposent au jour vénérable du soleil. Mais que ceux qui habitent la campagne s’adonnent paisiblement et en toute liberté à la culture de leurs champs, attendu que souvent aucun autre jour n’est aussi propice pour faire les semailles ou planter les vignes ; il ne faut donc pas laisser passer le temps favorable, et frustrer ainsi, les intentions bienveillantes du ciel. ” (Code Justinien, L. III, titre 12, loi 3. Citée en latin dans le Jour du Seigneur, par Louis Thomas, doct. en théol., vol. II, Append. III, p. 21. Genève et Paris, 1893.)  Voir Encyclopédie des Sciences religieuses, tome III, p. 751, art. ” Dimanche ” ; Abbé Bergier, Dictionnaire de théologie, tome II, p. 566, art. ” Dimanche ” ; Mosheim, Histoire ecclésiastique, IVe siècle, par. II, sect 5. Aha niho ivyo kuruhuka dimanche mu bakristu vyakomotse. Mu Vyahishuwe 1: 10, handitswe ko Yohani yeretswe ivyo yabonye ku musi w’umwami. Umusi w’umwami Yohani yatubwiye si dimanche, kuko Yohani aharurwa mu ntumwa n’abahanuzi. Imvugo y’abahanuzi nayo ntihinduka, nkuko imvugo y’Imana yabatumye nayo idahinduka. Umusi w’umwami Yohani avuga n’isabato . Imana iravuga iti:   » sinzohindur’ijambo ryavuye mu kanwa kanje »(Zaburi 89: 34)

 Mu bapagani ba kera rero, bamaze gusenga izuba ku musi wa mbere, bukeye bwaho, bari bafise imihango bakorer’ukwezi, kuko nakwo ngo guhishije umwamikazi wabo. Ni we Abayuda bise umwamikazi wo mw’ijuru, nk’uko twabisomye hariya hejuru. Uwu mwamikazi wo mw’ijuru afise amazina agenda ahindagurika cane muri Bibliya, bivana n’igihugu bamwambazamwo icarico. Muri Isiraeli n’ibihugu bihakikije, kera bamwita Ashitaroti, canke Ashera (Ururimi rw’igifransa ruvuga Astarté. Umuhanuzi Ezekiyeli amwita Tamuzi (Ezekiyeli 8: 14) Isezerano rishsha rimwita Arutemi canke Diane (Ivyakozwe n’Intumwa 19: 34-35), bivana na Bibliya usoma iy’ariyo. Reka ngende mbabwiye ko umusi mukuru wa Pasika abiyita abakristu bahimbaza ko ukomoka ku musi mukuru wari wagenewe ico kigirwamana Ahitaroti, Ashera, arico Astarte mu gifransa. Pasika yitwa Easter mu congereza, kuko iryo zina rifitaniye isano na Ashtaroth canke Ishtar canke Eshtar. N’izina rihinduka ariko ikigigwamana ni ca kindi nyene. Kuko ico kigigwamana bagihimbaza mu ntangiriro y’impeshi (printemps/ urugaryi mu kinyarwanda). Kuko abayobozi b’ishengero rya Roma bashatse kurihuza n’iry’igipagani ku buryo bwagutse,kugira ngo ifaranga ry’abapagani ntiribacike, hamwe n’icubahiro gikomeye gihabwa abami b’abapagani. Nico gituma Pasika z’abakristu zidahuza amatariki na Pasika zo muri Bibliya, izo benshi bita ngo: Pasika y’Abayahudi.

Nimurodi rero bamusenga nka Shebuja w’ababa mw’isi: Bayali (Bayali bisobanurwa ngo Databuja) Ashera nawe bakamwita Inabuja (nyirabuja wabo). Nico gituma muri Bibiliya usanga Bayali na Ashitaroti bahekeranye buri gihe, mugabo hari igihe Bayali bamuha ububasha bw’umwihariko kuko ar’umugabo na Ashitaroti bakamuha ubundi bubasha bw’umwihariko kuko ar’umugore.  Reka dusome iyi mirongo nk’akarorero gusa: Uko niko bataye Uhoraho bagasaba Bayali na Ashitaroti (Abacamaza 2: 13. Maz’Abisiraeli basubira gukora ivyo Uhoraho abona ko ari bibi, basaba za Bayali na Ashitaroti… (Abacamanza 10: 6). (Umwami Yosiya) amenagura amabuye bashinze kw’inkingi,. n’ibishushanyo vya Ashera… (2Abami 23: 14). Mu gitabo c’umuhanuzi Ezekiyeli, berekana ukuntu abagabo bose bapfukamira izuba, ariko abagore nabo bagakorer’imihango Tamuzi. Bivugwa gurta: Maze mbona abagore bicaye baborogera ikigirwamana Tamuzi… maze mbona ku rugi rw’urusengero rw’Uhoraho, hagati y’umuryango n’igicaniro, abantu bashika nko kuri mirongw’ibiri na batanu, bateye ibitugu urusengero rw’Uhoraho, berekej’amaso i burazuba,  bariko baraseng’izuba, batumbereye iyo rirasira (Ezekiyeli 8: 14, 16). Aha muri iyi mirongo ibiri, harerekana neza ko gusenga izuba no gusengumwamikazi wo mw’ijuru vyari bimaze kwicara mu mitima y’Abayuda benshi. Nivyo rero babwiye umuhanuzi Yeremiya hariya mu ntangiriro y’icigisho cacu ngo: Kuvy’ijambo utubwiye mw’izina ry’Uhoraho ntituzokwumvira, ariko ntituzobura gishitsa ijambo ryose rivuye mu kanwa kacu, ngo twosereze imibavu umwamikazi wo mw’ijuru, tumusukire n’ibiturire, nkuko twahora dukora twe na ba sogokuruza bacu, n’abami bacu, n’abaganwa bacu mu bisagara vy’i Buyuda no mu nzira z’i Yerusalemu, kukw’ico gihe twagira indya nyinshi, tukibera amahoro, nta vyago twabona (Yeremiya 44: 16-17). Bayali ntiyakomeje kuvugwa cane mu myaka yakurikiye, ku buryo mu gihe idini ry’i Babuloni rishitse mu gisagara c’i Roma, iryo dini ryari risigaye ryitwa idini ry’amabanga y’izuba (sapientiae solis), kandi umusi w’izuba bari bamaze kuwumenyera neza mu bihugu vyinshi vya gipagani. Umwamikazi wo mw’ijuru ni we yakomeje kugira ikibanza yihariye mu madini ya gipagani, kuko bavuga ko yoba atang’imigisha myinshi, agatanga imvura n’izuba kugirango imyaka igende neza barime(bahinge) basarure, agaha abavyeyi kuvyara no guheka. Ngo yoba ari we yavuganira abantu baba kw’isi ababasabira kuri Bayali. Imigani y’ikizungu ivuga ko Ashitaroti yari mushiki wa Nimurodi, kuko kera ntivyazira kwubakana na mushiki wawe.  Ivy,iyo manakazi rero, vyari ibintu vyemerwa cane mu bapagani, ku buryo intumwa Paulo yashatse no kuhasiga ubuzima, ashatse kwigisha ubutumwa bwiza bwo kureka ubwo buyobe (ubwo bugome) bwo guha amaturo uwo mwamikazi no kumusenga nk’Imana. Turasoma mu gitabo c’Ivyakozwe n’Intumwa ngo: Ariko bamumenye ko ar’Umuyuda, bose barasemerera icarimwe, bamara nk’amasaha abiri, bati: Arutemi y’Abanyefeso irahambaye. Umwanditsi (ariwe muku w’igisagara), amaze guhoza ishengero, arababarira ati: Bagabo b’Abefeso, mbega hariho umuntu atazi yuko igisagara c’Abanyefeso arico kizigama ingoro y’igitabo c’imanakazi Arutemi, ari naco gishushanyo cakorotse kiva mw’ijuru? (Ivyakozwe n’intumwa 19: 34-35)

Abepiskopi b’i Roma banyotewe ifaranga n’icubahiro, barashoboye kwumvisha abakristu b’abaroma bari bamaze kubakurikira, ko gusenga izo manakazi atari vyiza. Ariko babonye ko bashobora kubikorera mu kiherero, niko kubigisha ko umwamikazi w’ijuru ari Bikira Mariya kuko yavyaye Yesu. Ubwo abo bapagani bahevye imanakazi yabo, bahita bakurikira iyindi manakazi, kuko guheba imanakazi cabo vyari vyabasizemwo imvune nyinshi.  Erega ntibabihanisha vy’ukuri, kuko ico bari bitwararitse kwari ukugira abayoboke benshi no gutunga ibintu vyinshi, bakagira n’icubahiro. Murazi ko bari bamaze imyaka myinshi bacuranguzwa.

Iriya manakazi yabo rero, ndayise imanakazi kuko ubutumwa bwiza twahawe ntibwemera ko Mariya ari umwamikazi wo mw’ijuru, bumwita nyina wa Yesu gusa. Mbese mwibaza ko Mariya yoba arashika mw’ijuru? Soma neza uwu murongo imbere yo kwishura: Nta waduze mw’ijuru atari uwamanutse ava mw,ijuru, ni we Mwana w’umuntu wo mw’ijuru (Yohani 3: 13). Mbese mwibaza ngo Mariya yoba ashobora kudusabira ikintu ku Mana? Muri uwu murongo tumaze gusoma, umuhungu wa Mariya, Yesu, yaduhakaniye ko nta n’umwe yaduze mw’ijuru. Noneho ngo: Kuko har’Iman’imwe, kandi hari Umuhuza umwe w’Imana n’abantu, nawe nyene n’umuntu, ni Kristo Yesu (1Timoteo 2: 5). N,umuntu kandi akaba n’Imana. Kristo… ni we Mana ikwiye gushimwa ibihe bidashira. Amen (Abaroma 9: 5).

NTA GIHAMYA ABAPAPA BAFISE C’UKUNTU MARIYA YAGIYE MW’IJURU

Itariki ya mbere y’ukwezi kwa Munyonyo/Ugushyingo mu mwaka w’ 1950 niho Papa Piyo wa XII niho yemeza iyo nyigisho y’uko Bikira Mariya yurijwe mw’ijuru. Ubwo aravugango yeruye ko isi yose ikwiye kwemera ko mu gihe Mariya yar’arangije ubuzima bwiwe bwo muri iyi si, ko yajanywe mw’ijuru kuninahazwa, kandi ngo bakandikwa ko ari inyigisho ikomoka ku ntumwa. Yishimikije iki gitekerezo ngo:  Yarahezagiwe mu bandi bagore bose, kuko yavyaye Imana, akaguma ari inkumi itagira agahonzi, akaba atasamanywe icaha mu nda nyina, ngo ntiyoshobora kuja mu kuzimu ngo abore.  Ariko uwo mupapa yirinze kuvuga ibintu adafitiye igihamya/igishingantahe, ntiyasiguye ukuntu vyagenze ngo aduganwe mw’ijuru, ntiyerekanye igihe, ikibanza, canke ngo atange ikimenyetso ic’arico cose, ntiyanavuze ko haba hari n’umuntu yoba yarabonye ivyo bintu vyo kujanwa mw’ijuru kwa Mariya vyagenze. Ngo nta majambo afise yo kubivugako, ngo ic’avuga n’uko dukwiye kwemera gusa ko Mariya yajanywe kuninahazwa mw’ijuru, akagenda ari muzima, n’umutima n’umubiri (Aya majambo aboneka muri Missel Vespéral Romain, Apostolat liturgique, Abbayé S. André Bruges na Société Liturgique, S.A. 15, rue du Vieux Colombier PARIS (6è), Imprimatur potestet, die 28a Januarii 1952, Abbatiae Sti Andreae,Thodorus NÈVE, Abbas. Imprimatur Brugis, 30 Januarii 1952, A.QuAEGEBEUR, vic.gen.)

Afficher l'image d'origine

SATANI ARIYOBERANYA, AKIHINDURA UMUKOBWA CANKE UMUGORE MWIZA

Mw’ijuru rero hafise umwami ariwe Yesu, nta mwamikazi aharangwa.  Benshi bemera ivyerekeye kubonekerwa na Mariya, nkuko bivugwa mu bihugu atari bimwe, n’i Burundi ngo vyaradutse. Ariko ni Satani yihindura kuko Mariya ntarashika mw’ijuru, tuzogira yo rimwe. Si Mariya gusa, n’abera bose bavugwa mu gitabo c’ijambo ry’Imana ntibarashika mw’ijuru. Abo bose bamaze gushingirwa intahe kubg’ukwizera kwabo, ntibahabwa ivyasezeranywe, kukw’Imana yatuboneye kera ikirushaho kuba ciza, kugirango abo ntibatunganywe rwose tutari kumwe (Abaheburayo 11: 39-40) Ahandi haravuga ngo: Sogokuruza mukuru Dawidi, yuko yapfuye agahambga, n’imva yiwe iri ngaha ino muri twebwe n’uyu musi. Kandi Dawidi ntiyaduze mw’ijuru… (Ivyakozwe n’Intumwa 2: 29, 34)

Amasengero yarubatswe, amazu menshi arubakwa, ibibanza vyinshi biratunganywa, vyose bakabiha amazina ngo n’ivya Mariya, Umugabekazi w’aha naha, w’ibi na biriya, n’bindi…  Ni muteg’amatwi ndabibire akabanga nkuko nanje nakibiwe n’Imana:  Ariko hariho abantu babahagarika imitima, bagomba guhindura ukundi ubutumwa bwa Kristo. Ariko naho yoba ari twebwe canke umumarayika avuye mw’ijuru, ababarira ubutumwa bunyuranye n’ubwo twababariye arakavumwa. Nkuko twavuze mbere, na none nongeye kubivuga, nti Ni hagira umuntu ababarira ubutumwa bunyuranye n’ubwo mwemeye arakavumwa (Abagalatiya 1: 7-9). Satani arihindura inkumi nziza, akaboneka nk’intumwa y’umuco ivuye mw’ijuru, akabwira abantu bo mw’isi ngo ni jewe Mariya yasamwe atagira akanenge (utasamanywe icaha). Abantu bose basamwa mu nda za banyina bafise icaha, na Mariya ni ko vyamugendeye:  Bose bakoze ivyaha, ntibashikira ubgiza bw’Imana (Abaroma 3: 23) N’ukuri nta mugororotsi ariho kw’isi akor’ivyiza ntacumure (Umusiguzi 7: 20). Raba nabumbanywe ukugabitanya, mu vyaha niho mama yansamiye (zaburi 51: 5)

Afficher l'image d'origine

 Kandi Mariya ubwiwe yemera ko nawe yari akeneye gukizwa nka wewe najewe, aravuga ati: Umutima wanje unezererewe umwami Imana umukiza wanje (Luka 1: 47).

Navuze ko Satani yihindura akigira umukobwa mwiza abonekera  abantu nk’intumwa ivuye mw’ijuru, nivyo intumwa Paulo avuga ati: Kand’ivyo ntibitangaza kuko na Satani ubwiwe yigira umumarayika w’umuco (2Abakorinto 6: 14) Ukuza kw’uwo mugarariji kuri mu buryo bw’inkomezi za Satani, kuri n’ubushobozi bwose n’ibitangaza vy’ibinyoma, n’ubugunge bgose bgo ku bagabitanya ku bahona, kuko batemeye gukunda ivy’ukuri ngo bakizwe. Nico gituma Imana ibarungikira ubuzimire bubakoreramwo, ngo bizere ibinyoma, kugirango abatizeye ukuri bose, bacirwe kw’iteka (2Abatesalonika 2: 9-12).

Mwumvise ko ishengero rya kino gihe rero, risangiye ibigeragezo n’irya kera, imbere y’ivuka rya Yesu. Umwansi wacu n’umwe. Ntimugapfukamire uwo mwamikazi wo mw’ijuru, kandi umwami wacu ariho: ni Kristu. Ivyanditswe navyo biravugango: Ntukangire izindi umbangikanya( Kuvayo 20: 3).

Imana ibahe kuroherwa n’ijambo ryayo, kandi ibahe kumenya kuritandukanya n’amajambo y’idini.

ICITONDERWA:

Iki cigisho nacanditse kubera abantu benshi bambwiye ko batangajwe n’ivyo navuze mu cigisho giheruka. Ngo bari bazi ko urya mugore avugwa mu vyahishuwe 12: 1-6 ari Mariya umwamikazi wo mw’ijuru. Ni musome iki cigisho rero,  muzombwira imigisha cabasigiye. Naranezerewe n’ibiganiro nagiriranye n’abatari bake kubera ibi vyigisho bitatu biherutse, hariho n’abahevye barahamagara kuri téléphone, kandi twaravuganye, turasenga. Ariko ndabibutsa ko iyo mushize ivyipfuzo vyanyu hariya hepfo mu kibaza cabigenewe, bifasha benshi kuruta uko twoganira turi babiri gusa. Ni murabe ibibazo vyabajijwe hariya hepfo biraza kubafasha cane.

ANDIKA IVYO  WIYUMVIRA VYOSE KURI IKI CIGISHO NGAHA HASI HABIGENEWE

Publié dans : ||le 30 avril, 2010 |4 Commentaires »

4 Commentaires Commenter.

  1. le 1 mai, 2010 à 19:11 nintunze Egide écrit:

    ndagushimiye kuri izo nyigisho kandi aho ngeza kuraba ,jewe mbona ari zo; mugabo nagira ndakubaze kuvyerekeye isabato
    none le chrétien doit-il observer le sabbat juif c’est à dire le samedi?
    2. ko bibiliya ivuga ko Eliya yajanywe mw’ijuru, wibaza ko ari he?
    3. Bibiliya iravuga ko Mose(Moïse) na Elie babonekeye Jésus le jour de la transfiguration: none bari bavuye he puisqu’on sait qu’il ne dvrait pas y avoir des contacts entre le vivants et les morts?

  2. le 19 mai, 2010 à 14:10 NTAKIRUTIMANA AUGUSTIN écrit:

    FINALEMENT ÇA SE VOIT LA BONNE NOUVELLE SE PRÊCHE QUELLE QUE SOIENT LES CIRCONSTANCES CETTE MÉDITATION EST RÉELLE MÊME SI BEAUCOUP DE GENS CONFIRME LA RÉPONSE A NOS PRIÈRES PASSANT PAR LA SAINTE MARIE. J’ ÉTAIS PRESQUE A CHEMIN DE CONFIRMER CELA CAR JE COMPTAIS MARIE PARMI LES 24 RESPONSABLES QUE JEAN A VU EN APOCALYPSE MERCI DE ME SECOURIR

  3. le 14 février, 2016 à 19:22 labonnenouvelledusalut écrit:

    Cher Ntakirutimana Augustin, selon la Bible,Marie ne peut pas recevoir nos prieres. Car il y a un seul Dieu et un seul Mediateur entre Dieu et les hommes: Jesus-Christ (1Timothee 2: 5). Il y a 3 groupes des gens qui sont montes au ciel, et la Bible n’inclut Marie dans aucun groupe: 1-ceux qui sont partis vivants: Henoc et Elie (Gen 5: 21; 2Rois 2:11) 2-ceux qui monterent au ciel apres la resurrection: Moise (Jude 9 et Matthieu 17:3)et ceux qui sont ressuscites lors de la mort de Jesus (Matthieu 27:51-53; Ephesiens 4: 8; Ps 68: 19) 3-Jesus lui-meme en tant que Homme-Dieu ressuscite des morts (Jean 20: 27-28). Donc, on pourrait penser que les 24 vieillards seraient parmi ceux qui sont ressuscites lors de la mort de Jesus. Apres la mort de Jesus, la Bible nous montre Marie toujours vivante en attente de l »Esprit-Saint avec tous les freres et soeurs dans la chambre haute (Actes 1: 14). Aucune autre ascencion n’est mentionnee dans la Bible apres Jesus. Nous prions et adorons Jesus, le Roi du Ciel; Le Ciel n’a pas de reine. Oui, Marie aura sa couronne en tant que mere de Jesus, et chacun et chacune d’entre nous aura celle qu’il merite. Mais en attendant, la Bible nous dit que:  » Tous ceux-là, à la foi desquels il a été rendu témoignage, n’ont pas obtenu ce qui leur était promis, Dieu ayant en vue quelque chose de meilleur pour nous, afin qu’ils ne parvinssent pas sans nous à la perfection (Hebreux 11: 39-40). (P S: pardon pour les accents, mon ordinateur est configure en anglais)

  4. le 14 février, 2016 à 19:39 labonnenouvelledusalut écrit:

    Abansi b’ukuri nibo babandanya kwigisha ko isabato ar’iy’Abayuda.Nta murongo wobona werekana ko samedi ar’isabato y’Abayuda.Mvuze ko ar’abansi b’ukuri, kuko ubutumwa buvuga buti  » Ubeze mu kuri, ijambo ryawe niryo kuri (Yohani 17: 17). Isabato yahawe umuntu (Mariko 2: 27) ntiyahawe Umuyuda. Iyo nyigisho yo kwigisha ko samedi ar’isabato y’Abayuda ikomoka kuri Satani, kuko ni se w’ibinyoma. Yipfuza kuyobora isi yose akayishira mw’isabato y’ikinyoma y’abasengazuba, idini rya Bayali. Iyo sabato niyo mwita Sunday, Dimanche, icumweru… None nyene ko Bibliya ivuga ko Eliya yajanywe mw’ijuru, ari mw’ijuru nyene. Oya, Mose yaragiye mw’ijuru, kuko n’Imana yamwihambiye (Gusubira mu Vyagezwe 34:6. Ariko Imana naho itemeye ko Mose ashika i Kanani ho mw’isi, yamuhaye Kanani yo mw’ijuru. Nico gituma Mose yiyeretse Yesu n’intumwa (Matayo 17: 3). Mose yari mu buninahazwa bw’ijuru na Eliya. Ni byo koko abapfuye ntibayaga n’abazima (Yesaya 8: 19), ariko urupfu rwa Mose ntaco rupfana n’ukuntu twe dupfa (Soma neza Gusubira mu Vyagezwe 34: 5-7 na Yuda 9)

Laisser un commentaire

Centre du Plein Evangile "L... |
For This Cause |
MON SAUVEUR M'AIME |
Unblog.fr | Créer un blog | Annuaire | Signaler un abus | piccole note di un cammino ...
| مع ا ...
| Blog du niveau intermédiaire