BAVUGA BAT’EWE BAYALI N’UTWUMVIRE…NUKO BARASHIMIKA BASHIRA AMAJWI HEJURU (1Abami 18: 26, 28)

Mu gihe Eliya yasavye ko umwami Ahabu ahamagaza abakozi ba Bayali na Ashera bagakorana ari amajana umunani na mirongw’itanu, kugirango basabe imvura imana zabo, babahwe n’ikimazi bagoma co kuhereza izo mana z’inyamahanga. « N’uko babira ikimasa bahawe barakibaga maze batakambira izina rya Bayali, uhereye mu gitondo ugashitsa mu mashoka, bavuga bat’Ewe Bayali n’utwumvire! Ariko ntihagira ijwi ryumvikana cank’ikibishura namba. Basimbagurika bicumbagiza hirya no hino y’uruhimbi bubatse. Bagejeje mu mashoka, Eliya arabashinyagurira ati Ni mushire ijwi hejuru; erega n’imana! Kumbure yahugiye mu bindi canke se har’ivyayifatiriye, canke yamaz’urubanza, canke nkumbure irasinzoriye mukwiye kuyikangura! Nuko barashimika bashira amajwi hejuru, bikebagurisha imbugita n’amacumu, nk’uko umugenzo wabo war’uri, amaraso aravirirana. Maze igihe c’amashoka kirenze, batangura kuvovota, gushitsa igihe kigeze co gutanga ikimazi ca nikera, ariko ntihagira ijwi ribitaba canke ikibishura, canke ikibababara! (1Abami 18: 26-29).Noel en Namibie

Burya izi mana z’amadini  basenga  bavuza imihamirizo, mu kuvuga amasengesho bagashira amajwi hejuru nkuko umenga bazibwiye bukebuke ntizumva, bagahayanwa mu kuzivyinira, burya zirateye amakenga. Wibaza ko Imana ya Eliya ko irinda imihamirizo n’amakorasi n’amasengesho yo gusemerera. Nta na micro Eliya yigeze akoresha, ariko n’uwu musi aracatwigisha; izina ryImana ya Eliya ni rihabwe icubahiro. Eliya we ngo yakoze ivyo yagomba gukora vyose, « maz’igihe co gutang’ikimazi ca nikera kigeze, uwo muvugishwa n’Imana Eliya yigira hafi, aravuga at’Ewe Mana ya Aburahamu na Isaka na Israyeli, uwu musi bimenyekane kw’ari wewe Mana mu Bisirayeli, nanje ko nd’umusavyi wawe, kandi ko nkoze ibi vyose kubw’ijambo ryawe (1Abami 18: 36). Ico gihe Eliya yar’asigaye ar’umwe ashigikiye amategeko y’Imana, ahanganye n’abavugishwa b’ibinyoma 850 n’umukuru w’igihugu cabo n’abanyagihugu bose. Ariko arahagarara yizera Imana yiwe, nayo ntiyamuhemukiye. Yayisavye imvura,imvura iragwa (1Abami 18: 41-46); kuko imvura niyo yari yabaye ikibazo muri Israyeli, ariko Bayali na Ashera ntizashoboye kuyivuba, kuko s’imana nya mana. Imana ya Eliya ariyo Mana ya Yesu n’ihabwe icubahiro, imyaka n’imyaka, mw’izina ryera rya Yesu. Amen.

Publié dans : Non classé |le 26 décembre, 2017 |Pas de Commentaires »

Vous pouvez laisser une réponse.

Laisser un commentaire

Centre du Plein Evangile "L... |
For This Cause |
MON SAUVEUR M'AIME |
Unblog.fr | Créer un blog | Annuaire | Signaler un abus | piccole note di un cammino ...
| مع ا ...
| Blog du niveau intermédiaire